सिरी ‘ए’ फुटबल : मिलानको साँघुरो जित

एजेन्सी । इटालियन सिरी ए फुटबलमा एसी मिलानले साँघुरो जित हात पारेको छ । बिहिबार राति भएको खेलमा एसी मिलानले एसपीएललाई १-० गोल अन्तरले पराजित गरेको हो ।

घरेलु मैदानमा मिलानले जित हात पार्न सुसोले निर्णायक गोल गरे । पहिलो हाफ गोलरहित बराबरीमा सकिएको खेलको ६३ औं मिनेटमा सुसोले निर्णायक गोल गरे ।

जितसँगै मिलानले १० खेलमा १३ अंक जोडेको छ । र, यस सिजन उत्कृष्ट प्रदर्शन गर्न नसकिरहेको मिलान लिगको दशौँ स्थानमा उक्लिएको छ ।

एसपीएल १० खेलमा ७ अंक जोडेर पुछारबाट दोस्रो स्थानमा रहेको छ ।