सिन्धुपाल्चोक बस दुर्घटना अपडेट: मृत्यु हुनेको संख्या १६ पुग्यो, ४६ जनाको उद्धार

काठमाडौं । अरनिको राजमार्गअन्तर्गत सुकुटेमा भएको बस दुर्घटनामा मृत्यु हुनेको सङ्ख्या १६ पुगेको छ । भने ४६ जना घाइतेको उद्धार गरी अस्पताल लगिएको छ । मुडे देउरालीबाट काठमाडौँका लागि छुटेको बा २ ख ७२४५ नम्बरको यात्रुबाहक बस सुनकोशी नदीमा खसेको हो ।

चालक धनबहादुर तामाङको भने सकुशल उद्धार गरिएको सिन्धुपाल्चोकका प्रहरी नायव उपरीक्षक माधवप्रसाद काफ्लेले जानकारी दिनुभयो ।बसभित्र च्यापिएर अचेत अवस्थामा एकजना यात्रु फेला परेका छन् । अन्य यात्रुहरू नदीले बगाएर आधा किलोमिटर तलसम्म पुगेको उहाँले बताउनुभयो ।

साथै घाइतेहरूको धुलिखेल अस्पतालमा उपचार भइरहेको पनि प्रहरीले जनाएको छ ।