नवनियुक्त प्रदेश प्रमुखहरुको शपथ आज

काठमाडौँ । नवनियुक्त प्रदेश प्रमुखहरुको आज शपथ हुँदैछ। राष्ट्रपति भवन शितलनिवासमा बिहान ९ बजे शपथको कार्यक्रम तय भएको छ। मन्त्रिपरिषदको सिफारिसमा सोमबार राष्ट्रपति विद्यादेवी भण्डारीले प्रदेश प्रमुख नियुक्त गर्नुभएको थियो।

नियुक्ति अनुसार प्रदेश १ को प्रदेश प्रमुखमा सोमनाथ अधिकारी ‘प्यासी’ चयन भएका छन्। यस्तै, प्रदेश २ मा तिलक परियार, प्रदेश ३ मा विष्णु प्रसाईँ प्रदेश प्रमुख नियुक्त भएका छन् । यस्तै, गण्डकीमा अमिक शेरचन, प्रदेश ५ मा धर्मनाथ यादव, कर्णाली प्रदेशमा गोविन्दप्रसाद कलौनी र सुदूरपश्चिम प्रदेशमा शर्मिला कुमारी पन्त प्रदेश प्रमुख नियुक्त भएका छन्।

सोमबार बसेको मन्त्रिपरिषद बैठकले सत्तारुढ दल नेपाल कम्युनिस्ट पार्टीको सचिवालय बैठकको निर्णय अनुसार प्रदेश प्रमुख नियुक्तिका लागि सिफारिस गरेको थियो।