च्याम्पियन्स लिग फुटबल : स्लाभिया प्रागसँग बार्सिलोनाको बराबरी

एजेन्सी । च्याम्पियन्स लिग फुटबलमा बार्सिलोनाले बराबरी खेलेको छ । मंगलबार राति भएको खेलमा बार्सिलोनाले स्लाभिया प्रागसँग गोल रहित बराबरी खेल्दै अंक बाँडेको हो ।

बार्सिलोनाका करिब आधा दर्जन प्रहार असफल भएका थिए । समूह एफको शीर्ष स्थानमा रहेको बार्साले पुछारको क्लब स्लाभिया प्रागसंग बराबरी खेलेको हो ।

इर्नेस्टो भाल्भर्डे नेतृत्वको बार्साले ४ खेलबाट मात्र ८ अंक बटुल्न सक्यो । बोरुसिया डर्टमण्ड ७ अंक सहित दोस्रो र ईन्टर मिलान ४ अंक सहित तेस्रो स्थानमा छ । प्राग टिमको २ अंक छ ।

बार्साले च्याम्पियन्स लिगको अर्को खेलमा घरेलु मैदानमा डर्टमण्डसंग खेल्नेछ ।