मन्त्रिपरिषद् पुनर्गठनको तयारी

काठमाडौँ । प्रधानमन्त्री केपी शर्मा ओलीले मन्त्रिपरिषद् पुनर्गठनको तयारी थालेका छन् । प्रधानमन्त्री सचिवालयका साथै मन्त्रिपरिषद् हेरफेरबारे आइतबार उनले अर्का अध्यक्ष प्रचण्डसँग छलफल गरेका छन् । सोही विषयमा छलफल गर्न नेकपाले सोमबार सचिवालय बैठक समेत बोलाएको छ ।
प्रधानमन्त्रीको निर्देशनमा आफ्नो सचिवालयमा रहेका सबै सल्लाहकार र सहयोगीले मंसिर १ देखि लागू हुने गरी राजीनामा दिने तय भइसकेको छ । स्रोतका अनुसार प्रधानमन्त्री ओली उपचुनावअघि नै मन्त्रिपरिषद् पुनर्गठनको तयारीमा छन् ।
केही बाहेक अधिकाशं मन्त्रीको कार्यसम्पादन ठीक नभएको निष्कर्षमा ओली छन् ।