शिवम सिमेन्टले पायो यस वर्षको क्वालिटी अवार्ड

काठमाडौं। शिवम सिमेन्टलाइ क्वालिटी अवार्ड दिइने भएको छ । नेपाल गुणस्तर तथा नापतौल विभागले हरेक वर्ष अवार्ड प्रदान गर्दै आएको छ । साथै यस वर्षको अवार्डबाट शिवम सम्मानित हुन लागेको हो।

एक कार्यक्रमकाबिच विहिबार उद्योगमन्त्री मातृका यादबले शिवमलाइ अवार्ड हस्तान्तरण गर्नुहुनेछ । साथै लेटर अफ एप्रिसिएसन भने मारुती र शुभश्री जगदम्बा सिमेन्टलाइ दिइने विभागले जनाएको छ । शुभश्री जगदम्बाले अहिलेसम्म दुई पटक क्वालिटी अवार्ड पाइसकेका छन्। साथै हेटौंडामा रहेको शिवमले ओपिसी सिमेन्ट उत्पादन गर्दै आएको कम्पनीले जनाएको छ ।