न्यूरोडको जुवा अड्डामा प्रहरीको छापा, ६ लाख ५० हजार नगदसहित ७ जुवाडे पक्राउ

काठमाडौं । राजधानीको न्यूरोडस्थित रन्जना गल्लीबाट ७ जुवाडेलाई प्रक्राउ परेका छन् । पक्राउ पर्नेहरुमा प्रदिप श्रेष्ठ ,रमेश थापा, रविन तामाङ्ग ,सरुन तामाङ्ग, सुशीला श्रेष्ठ, चन्द्र लामा र कुमार केसी रहेको प्रहरीले जनाएको छ ।

जुवा अड्डामा छापा मार्ने क्रममा महानगरीय प्रहरी परिसर काठमाडौँले गएराति १२ बजे ६ लाख ५० हजार नगदसहित उनीहरुलाई पक्राउ गरेको हो ।

चन्द्र लामाले सञ्चालन गर्दै आएको जुवाको अड्डाबाट उनीहरुलाई पक्राउ गरिएको महानगरीय प्रहरी परिसर काठमाडौँ डिएसपी होबिन्द्र बोगटीले जानकारी दिनुभयो ।