चितवन । चितवन मेडिकल कलेजको होस्टल परिसरबाटै प्रहरीले पेस्तोल बरामद गरेको छ। शनिबार साँझ चितवन प्रहरीले भरतपुर महानगरपालिका-५ कैलाशनगरस्थित चितवन मेडिकल कलेजको उत्तरपूर्वी कम्पाउण्डबाट २ राउण्ड गोली लोड भएको मेड इन युएसए लेखिएको १११७ मोडलको अमेरिकन पेस्तोल बरामद गरेको हो।
प्रहरीका अनुसार पेस्तोलमा लाग्ने म्यागजिन एक थान, गोली दुई थान बरामद भएको छ। सँगै प्रहरीले थ्री नट थ्री राइफलको गोली एक थान, खोका एक थान, एसएलआर राइफलको ६ थान खोका, रातो र कालो तार चार मिटरसहित एउटा निलो झोला बरामद गरिएको हो।
पेस्तोल भेटिएपछि प्रहरीले होस्टलको सुरक्षामा खटिएका उक्त ६ जना सुरक्षा गार्डहरुलाई अनुसन्धानका लागि नियन्त्रणमा लिएको छ। चितवन मेडिकल कलेजको होस्टको चौरमा पेस्तोल र गोली बरामद भएपछि कलेज परिसरमा ठूलो संख्यामा सुरक्षाकर्मी खटाइएको छ।
घटनास्थललाई प्रहरीले सुरक्षाकर्मीले घेरामा राखेका छन्। प्रहरीले घटनाको विषयमा अनुसन्धान भइरहेको बताएको छ।
यो खबर पढेर तपाईलाई कस्तो महसुस भयो ?
प्रतिक्रिया