दाङमा यात्रुबाहक बस दुर्घटना : एकको मृत्यु, २० जना घाइते

काठमाडौं । दाङमा यात्रुबाहक बस दुर्घटना हुँदा १ जनाको मृत्यु भएको छ ।

दाङको घोराहीबाट प्यूठान जाँदै गरेको ना ३ ख ६५४२ नम्बरको बस बंगलाचुली गाउँपालिका वडा नं. ६ बेचेनीमा दुर्घटना हुँदा एक महिलाको मृत्यु भएको हो ।

दुर्घटनामा चालकसहित २० जना घाइते भएका छन् । प्रहरीका अनुसार दुर्घटनामा परि प्यूठानको मान्डबी गाउँपालिका वडा नं. १६ निवासी नेहा वलीको मृत्यु भएको हो ।

उनको शवलाई राप्ती स्वास्थ्य बिज्ञान प्रतिष्ठान घोराहीको राखिएको जिल्ला प्रहरीले जनाएको छ।