सागको उद्घाटन र अन्त्यका दिन सवारीमा जोर बिजोर प्रणाली लागू गरिने

काठमाडौँ । १३ औँ दक्षिण एसियाली खेलकुद (साग) को उद्घाटन र अन्त्यका दिन उपत्यकाका सवारी साधनमा जोर बिजोर प्रणाली लागू गर्ने भएको छ।

ट्राफिक व्यवस्थापनका लागि महानगरीय ट्राफिक प्रहरी महाशाखाले सार्वजनिक र निजी दुबै सवारी साधनको हकमा यो नियम लागू हुँने जनाएको छ।

महाशाखाका अनुसार मंसिर १५ बिजोर नम्बर भएका सवारी साधनमात्र चल्न पाउनेछन् । उक्त दिन जोर नम्बरका सवारी साधन रिङरोडभित्र चल्न नपाउने जनाइएको छ। यस्तै, २४ गते जोर नम्बर भएका सवारी साधनमात्र चल्नेछन्। जोर बिजोरको गणना अन्तिम अंकबाट निर्धारण हुनेछ।