काठमाडौं । भारतीय चर्चित रियालिटी शो ‘कौन बनेगा करोडपति’ बन्द हुने भएको छ ।
भारतीय चर्चित अभिनेता अमिताभ बच्चले होस्ट गर्दै आउनुभएको उक्त शोको एघारौँ सिजन यही शुक्रवारदेखि बन्द हुने भएको हो ।
उक्त रियालिटी शो १३ सातासम्म चलेको थियो । होस्ट बच्चनले पहिले नै उक्त शो ६५ भाग र १३ साता चल्ने बताउनुभएको थियो ।
उक्त शो ‘कौन बनेगा करोडपति’मा बलिउडका सेलिब्रेटीहरु साथै अन्य थुप्रै चर्चित अनुहारलाई समेत स्थान दिइएको थियो ।
यस रियालिटी शोको यो सिजनमा सर्वाधिक पुरस्कार राशि ७ करोड भारु राखिएको थियो । त्यसका लागी १६ वटा प्रश्नको उत्तर दिनुपर्ने हुन्थ्यो । तर कसैले पनि १६ वटा प्रश्नको सही उत्तर दिन सकेका छैनन् । भारतमा मात्र नभएर नेपाल लगाएत विश्वका धेरै मुलुकका लागी परिचित अभिनेता बच्चनले होस्ट गरेका कारणले गर्दा पनि यो शो थप लोकप्रिय थियो ।
यो खबर पढेर तपाईलाई कस्तो महसुस भयो ?
प्रतिक्रिया