पुरुष फुटबल : बंगलादेशको पहिलो जित

काठमाडौं । बंगलादेशले १३ औं दक्षिण एसियाली खेलकुद (साग) अन्तर्गत पुरुष फुटबलमा पहिलो जित हात पारेको छ ।

दशरथ रंगशालामा बिहीबार भएको खेलमा बंगलादेशले श्रीलंकालाई १-० गोल अन्तरले पराजित गरेको हो । बंगलादेशका लागि महबबुर रहमानले दसौं मिनेटमा गोल गरेका थिए ।

जितसँगै बंगलादेशको तीन खेलबाट चार अंक भएको छ र उसको फाइनल पुग्ने सम्भावना कायम रहेको छ । बंगलादेश यो जितले अंक तालिकाको तेस्रो स्थानमा उक्लिन पनि सफल भएको छ ।