ब्राईटोनद्वारा आर्सनल स्तब्ध

एजेन्सी । प्रिमियर लिग फुटबल अन्तर्गतको खेलमा आर्सनलले हार ब्यहोरेको छ ।

बिहिबार राति ईमिरेट्स स्टेडियममा आर्सनललाई ब्राईटोनले २–१ ले पराजित गरेको हो । प्रशिक्षक बिनाको आर्सनलले पुन एक पटक स्तब्धपुर्ण नतिजा आत्मसाथ गरेको छ ।

अलेक्जेन्ड्रे लाकाजेटले आर्सनलको जर्सीमा सय खेल पुरा गर्दै एक गोल गर्न सफल रहे । खेलमा अग्रता भने ३६ औ मिनेटमा ब्राईटोनले एडम वेबस्टरको गोलबाट लिएको थियो । ५० औ मिनेटमा लाकाजेटको गोलमार्फत घरेलु टोली आर्सनल खेलमा फर्किएको थियो । डेबिड लुईजले भली गोल गर्दै आर्सनललाई २–१ ले अघि बढाएका थिए । तर भारमा सो गोल अफसाईड हुन पुग्यो र रेफ्रीले मान्यता दिएनन् ।

नील मौपेले ८० औ मिनेटमा हेडमार्फत गोल गर्दै ब्राईटोनलाई जित दिलाउन सफल रहे ।

हारपछि आर्सनल १९ अंक सहित तालिकाको दसौं स्थानमा छ । ब्राईटोन १८ अंक सहित १३ औ स्थानमा उक्लिएको छ ।