काठमाडौं । १३ औं दक्षिण एसियाली खेलकुद (साग) अन्तरगतको पुरुष क्रिकेटमा बंगलादेशले नेपाललाई १५६ रनको लक्ष्य दिएको छ ।
कीर्तिपुरस्थित त्रिवि क्रिकेट मैदानमा पहिले ब्याटिङ गरेको बंगलादेश यू-२३ ले ६ विकेट गुमाएर १ सय ५५ रन बनाएको हो ।
बंगलादेशले सम्मानजनक स्कोर तयार गर्ने क्रममा कप्तान होसिन सान्तोलले ६० बलमा ७५ रन बनाएर कप्तानी पारी खेले । अफिफ हुसेनले पनि आक्रामक पारी खेल्दै २८ बलमा ५२ रन बनाए ।
नेपालका लागि पारस खड्काले ३ विकेट लिए भने उपकप्तान दिपेन्द्र सिंह ऐरीले २ विकेट लिए । अभिनास बोहोराले पनि एक विकेट लिए ।
नेपालले केहीबेरमा जवाफी ब्याटिङ थाल्दै छ । यो खेल जितेमा नेपाल फाइनलमा पुग्नेछ ।
बंगलादेश यू-२३ ले २ खेलमा २ जित हात पार्दै ४ अंकका साथ तालिकाको दोस्रो स्थानमा रहेको छ । नेपालसंग बराबर अंक भएपनि बंगलादेश नेट रन रेटको आधारमा अघि रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया