लाजियोले चखायो युभेन्ट्सलाई सिजनको पहिलो हार !

एजेन्सी । सिरि ए लिग फुटबलमा युभेन्ट्सले पहिलो हार बेहोरेको छ । शनिबार राति भएको खेलमा लाजियोले युभेन्ट्सलाई ३-१ गोल अन्तरले हराउँदै सिजनको पहिलो हार चखाएको हो ।

क्रिस्टियानो रोनाल्डोले खेलको २५ औ मिनेटमा गोल गर्दै युभेन्ट्सलाई अग्रता दिलाएका थिए । पहिलो हाफको ईन्जुरी समयमा रामोस मार्चीले गोल गर्दै खेल बराबरीमा ल्याएका थिए ।

मिलिन्कोविच साविकले ७४ औ मिनेटमा गोल गर्दै घरेलु टोली लाजियोलाई अग्रता दिलाए । दोस्रो हाफको ईन्जुरी समयमा केईडोले गोल गर्दै लाजियोको जित सुनिश्चित गरेका थिए । ६९ औ मिनेटमा जु कुड्राडो रातो कार्ड खादै मैदान बाहिरिएपछि युभेन्ट्स १० खेलाडीमा सिमिति बनेको थियो ।

जितपछि लाजियो ३३ अंक सहित तालिकाको तेस्रो स्थानमा छ । युभेन्ट्स ३६ अंक सहित तालिकाको दोस्रो स्थानमा छ ।