काठमाडौं । चितवन प्रहरीले हत्याको अभियोगमा पाँचजनालाई पक्राउ गरेको छ । चितवनको भरतपुर महानगरपालिकाको अविनास महत्वको हत्या आरोपमा पाँचजनालाई पक्राउ गरेको हो ।
मङ्सिर १२ गते हराएका अविनाश तीन दिनपछि हत्या गरेर उनको शरिरलाई गाडिएको अवस्थामा फेला परेको थियो। अविनासको मंसिर १३ गते राति नौ बजे राति हत्या भएको प्रहरीले जनाएको छ ।
हत्यामा संलग्न भएको आरोपमा शनिवार भरतपुरका दिपेन्द्र महत्तो, यमकुमार महत्तो, विनोद कुमार महत्तो र विजय महत्तोलाई पक्राउ गरेको चितवन प्रहरी प्रमुख एसपी दानबहादुर मल्लले जानकारी दिए।
किशोरीसँगको सम्बन्धका कारण अविनासको हत्या भएको प्रहरीको प्रारम्भिक अनुसन्धानबाट खुलेको छ। अभिनासले किशोरीलाई भेट्न बोलाएका थिए।
किशोरी घर बाहिर निस्केको उनका दाजुहरुले देखेका थिए । किशोरीका दाजु यमकुमार र दिपेन्द्रले अविनासलाई बहिनीलाई किन भेटेको भन्दै कुटेको प्रहरीले आशंका गरेको थियो ।
यो खबर पढेर तपाईलाई कस्तो महसुस भयो ?
प्रतिक्रिया