सिरी ‘ए’ फुटबल : मिलानको साँघुरो जित

एजेन्सी । इटालियन सिरी ‘ए’ फुटबलमा एसी मिलानले साँघुरो जित हात पारेको छ ।

आइतबार राति भएको खेलमा मिलानले बोलोग्नालाई ३-२ गोल अन्तरले पराजित गरेको हो ।

बोलोग्नाको मैदानमा मिलानलाई जित दिलाउन क्रेजेस्टोफ पियाटेक, थियो हर्नान्डेज र जियाकोमा बोनाभेन्टुराले समान एक एक गोल गरे ।

बोलोग्नाका निकोला सान्सोनाले एक गोल गर्दा मिलानका हर्नान्डेजले एक आत्मघाती गोल गरेका थिए ।

जितसँगै मिलानले १५ खेलमा २० अंक जोडेको छ । र, लिगको दशौँ स्थानमा रहेको छ । १६ अंक जोडेको बोलोग्ना १२ औं स्थानमा रहेको छ ।