सागका स्वर्ण पदक विजेतालाई २५ लाख दिन तरुण दलको माग (विज्ञप्तिसहित)

काठमाडौं । नेपाली कांग्रेसको भातृ संगठन तरुण दलले १३ औं दक्षिण एसियाली खेलकुद प्रतियोगिता ९साग०का स्वर्ण पदक विजेता खेलाडीलाई २५ लाख रुपैयाँ दिन सरकारसँग माग गरेको छ ।

बुधबार एक प्रेस विज्ञप्ति जारी गर्दै तरुण दलले देशको ईज्जत बचाउन महत्वपुर्ण भुमिका खेल्ने खेलाडीलाई धन्यवाद दिदै सागका स्वर्ण विजेतालाई २५ लाख, रजत विजेतालाई १५ लाख र कास्य पदक विजेतालाई १० लाख रुपैयाँ दिन माग गरेको हो ।

तरुण दलका अध्यक्ष जितजंग बस्नेतले बुधबार विज्ञप्ति जारी गरी यस्तो माग गरेका हुन् ।

तरुण दलले साग खेलकुदको रकमबाट मन्त्रीहरुलाई दौरा सुरुवाल खरीद गर्नुले देशकै बदनाम भएको ठहर गर्दै खेलाडीका प्रशिक्षकलाई कम भत्ता दिने, पुरानो नीजि साईकलबाट प्रतिस्पर्धामा भाग लिन बाध्य पारेर निन्दनीय कार्य गरेको आराप समेत लगाएको छ ।

तरुण दलले साग खेलकुदमा खेलाडी र प्रशिक्षकको सेवा र सुविधामा भ्रष्टचार भएको आशंका गर्दै अख्तियार दुरुपयोग अनुसन्धान आयोगलाई छानबिन गरी दोषीमाथि कारबाही गर्न माग गरेको छ ।

यो पढ्न छुटाउनुभयो की ?

किन बोलाए प्रधानमन्त्रीले सागमा पदक जितेका खेलाडीलाई बालुवाटार ?

१३ औं सागलाई फर्केर हेर्दा…

यो खबर पढेर तपाईलाई कस्तो महसुस भयो ?