एट्लेटिको मड्रिड नकआउट चरणमा प्रवेश

एजेन्सी । एट्लेटिको मड्रिड च्याम्पियन्स लिग फुटबलको नकआउट चरणमा प्रवेश गरेको छ ।

बुधबार राति समूह डीको खेलमा लोकोमोटिभ मस्कोलाई २-० गोल अन्तरले पराजित गर्दै एट्लेटिकाले अन्तिम १६ मा स्थानमा पुगेको हो । किरन ट्रिप्पियरले १७ औं मिनेटमा पेनाल्टीमा गोल गर्दै एट्लेटिकोलाई सुरुवाती अग्रता दिलाएका थिए ।

जोआओ फिलिक्सले ५४ औ मिनेटमा भली गोलमार्फत एट्लेटिकोको जित सुनिश्चित गरे । समूह डीमा युभेन्ट्स १६ अंक सहित समूह विजेताको रुपमा नकआउट चरण प्रवेश गर्यो ।

एट्लेटिको १० अंक सहित उपविजेता बन्दै अन्तिम १६ मा पुग्यो । समूहको तेस्रो स्थानको लिभरकुसनले मात्र ६ अंक जोडेको छ ।