सोसीडाडसँग बार्सिलोनाको बराबरी

एजेन्सी । स्पेनिस ला लिगा फुटबलमा बार्सिलोना बराबरीमा रोकिएको छ ।

शनिबार राति भएको खेलमा बार्सिलोनाले रियल सोसीडाडसँग २-२ गोलको बराबरी खेलेको हो । सोसीडाडको मैदानमा एन्टोनी ग्रीजम्यान र लुइस स्वारेजले एक एक गोल गरेपनि बार्सिलोनाले जित निकाल्न सकेन ।

खेलको १२ औं मिनेटमा मिकेल ओयारजाबलले गोल गर्दै घरेलु टोलीलाई अग्रता दिलाएका थिए । ३८ औं मिनेटमा ग्रीजम्यानले गोल गर्दै बार्सिलोनालाई खेलमा फर्काए ।

४९ औं मिनेटमा स्वारेजले गोल गर्दै बार्सिलोनालाई २-१ को अग्रता दिलाए । तर, खेलको ६२ औं मिनेटमा एलेक्सजेन्डर इशाकले गोल गर्दै घरेलु टोलीलाई हारबाट जोगाए ।

यो बराबरीसँगै बार्सिलोनाले १६ खेलमा ३५ अंक जोडेको छ ।  बार्सिलोना लिगको शीर्ष स्थानमा उक्लिएको छ ।

सोसीडाड १७ खेलबाट २८ अंक जोडेर लिगको चौंथो स्थानमा उक्लिएको छ ।