सलाहको गोलमा लिभरपुलको सहज जित

एजेन्सी । इन्ग्लिश प्रिमियर लिग फुटबलमा लिभरपुलले सहज जितहात पारेको छ ।

शनिबार भएको खेलमा लिभरपुलले वाट्फोर्डलाई २-० गोल अन्तरले पराजित गरेको हो ।

घरेलु मैदानमा लिभरपुललाई जित दिलाउन मोहमद सलाहले दुई गोल गरे । खेलको ३८ औं मिनेटमा पहिलो गोल गरेका सलाहले इन्जुरी समयमा व्यक्तिगत दोस्रो गोल गर्दै लिभरपुललाई सहज जित दिलाए ।

जितसँगै लिभरपुलले लिगमा ११ अंकको अग्रता कायम गरेको छ । वाट्फोर्ड ९ अंक जोडेर पुछारमा रहेको छ ।