गाउँपालिकाका अध्यक्ष शाही दम्पतीको अपहरण

दैलेख । दैलेख स्थित ठाँटीकाँध गाउँपालिकाका अध्यक्ष धीरबहादुर शाही अपहरणमा परेका छन् । शाहीसंगै उनकी श्रीमती लिला शाहीलाईसमेत अज्ञात समूहले अपहरण गरेको दैलेख प्रहरीले जनाएको छ ।

शाही दम्पतीलाई नेत्रविक्रम चन्द विप्लव नेतृत्वको नेकपाका कार्यकर्ताले अपहरण गरेको पारिवारीक स्रोतले जनाएको छ । शाही दम्पतीलाई शनिबार राति साढे १२ बजेको अपहरण गरेको गरेको प्रहरीले जनाएको छ ।

अध्यक्षका भाई हस्त शाहीलाई पनि उक्त समूहले अपहरण गरेका बताइएको छ । हस्तलाई भने अपहरण गरेको केहि समयपछि छोडिदिएको बताइएको छ ।

अपहरणमा परेका शाही दम्पतीको खोजी भइरहेको प्रहरीले जनाएको छ ।