ला लिगा : मेस्सीको ५० औं गोलमा बार्सिलोनाको सहज जित

एजेन्सी । स्पेनिस ला लिगा फुटबलमा बार्सिलोनाले सहज जित हात पारेको छ ।

शनिबार राति भएको खेलमा बार्सिलोनाले डिपोर्टिभो अल्भेसलाई ४-१ गोल अन्तरले पराजित गरेको हो । घरेलु मैदानमा बार्सिलोनालाई जित दिलाउन एन्टोनियो ग्रीजम्यान, अर्टुरो भिदाल, लियोनल मेस्सी र लुइस स्वारेजले समान एक एक गोल गरे ।

अल्भेसका पीरी पोन्सले एक गोल फर्काएका थिए ।

खेलको १४ औं मिनेटमा ग्रीजम्यानले गोल गर्दै अग्रता दिलाए । ४५ औं मिनेटमा भिदालले गोल गर्दै बार्सिलोनाको अग्रता दोब्बर बनाए ।

६९ औं मिनेटमा मेस्सीले गोल गर्दै बार्सिलोनालाई ३-१ को अग्रता दिलाए । मेस्सीले नयाँ सिजनमा क्लब र देशका लागि ५० औं गोल पुरा समेत गरे । त्यस्तै, खेलको ७५ औं मिनेटमा स्वारेजले पेनाल्टीमा गोल गर्दै बार्सिलोनालाई ४-१ को सहज जित दिलाए ।

जितसँगै शीर्ष स्थानको बार्सिलोनाले १८ खेलमा ३९ अंक जोडेको छ । दोस्रो स्थानको रियल मड्रिडको ३६ अंक रहेको छ ।

अल्भेस १९ अंक जोडेर १५ औं स्थानमा रहेको छ ।