सिरी ए फुटबल : लुकाकुको दुई गोलसँगै इन्टर शीर्ष स्थानमा

एजेन्सी । इटालियन सिरी ‘ए’ अन्तर्गतको फुटबल खेलमा इन्टर मिलानले सहज जित हात पारेको छ ।

शनिबार राति भएको खेलमा इन्टरले जिनोआलाई ४-० गोल अन्तरले पराजित गरेको हो ।

इन्टरलाई जित दिलाउन रोमेलु लुकाकुले दुई गोल गरे । यस्तै रोबर्टो गाग्लीआर्डिनी र सेबास्टीयानो एस्पोसिटोले समान एक एक गोल गरे ।

जितसँगै इन्टर लिगको शीर्ष स्थानमा उक्लिएको छ । १७ खेलमा ४२ अंक जोडेको इन्टरले युभेन्ट्सलाई पछि पारेको हो ।

जिनोआ ११ अंक जोडेर लिगको पुछारमा रहेको छ ।