आज पनि अर्को दर्दनाक सवारी दुर्घटना, छोरालाई स्कुल छोड्न गएका बाबुको मृत्यु, छोरा घाइते

काठमाडौं । काठमाडौंको गुर्जुधारामा गाडीको ठक्करबाट एक जनाको मृत्यु भएको छ । मृत्यु हुनेमा पर्वत ठुलेपोखरी गाउँपालिका–४ स्थायी घर भई चन्द्रागिरी नगरपालिका–७ थानकोट चेकपोस्ट बस्दै आएका अर्जुन कुमार केसी रहेका छन् ।

छोरालाई मोटरसाइकलमा राखेर स्कुल पुर्याउन हिडेका केसीलाई गाडीले ठक्करबाट दिँदा घटनास्थलमै मृत्यु भएको हो । प्रदेश ३–०२००९ प ७६२१ को साइन मोटसाइकलमा छोरालाई स्कुल पुर्याउन गएका बेला गाडीले ठक्कर दिएको प्रहरीले जनाएको छ ।

मोटरसाइकलमा सवार मृतकका छोरा घाइते भएका छन् । उनको ओम समाज हस्पिटलमा उपचार भइरहेको छ । उनलाई ठक्कर दिने गाडी र चालक फरार भएकाले कुनै जानकारी नभएको र सडकको सिसिटिभी फुटेज चेकजाँच भइरहेको प्रहरीले जनाएको छ ।

साेमबार मात्रै काठमाडौँको सुकेधारामा बसको ठक्करबाट गोरखा घर भइ धुम्बाराही बस्दै आएकी सृष्टि पन्तको मृत्यु भएको थियो ।

यो पढ्नुभएको थियो ?

सुकेधारामा बसको ठक्करबाट छात्राको मृत्यु : आक्रोशित विद्यार्थीद्वारा दुईवटा बसमा आगजनी