शुक्रवारदेखि कुमारी हलमा चीनियाँ चलचित्र महोत्सव हुँदै

काठमाडौं ।  डिसेम्बर २७ शुक्रवारदेखि काठमाडौंको कुमारी हलमा चिनियाँ चलचित्र महोत्सव हुने भएको छ।

नेपालको लागि चिनियाँ राजदूत होउ यान्छीले आफ्नो ट्वीटर अकाउन्टमार्फत नेपालमा चिनियाँ चलचित्र महोत्सव शुरु हुने बताइन् ।

चिनियाँ चलचित्र महोत्सव डिसेम्बर २७ देखि काठमाडौंमा हुँदैछ, मलाई ट्वीटरमा फ्लो गर्नुस र मेरो पोस्टलाई रिट्वीट र कमेन्ट गर्नेले चलचित्र महोत्सवको टिकट पाउनु हुनेछ उनले लेखेकी छिन् ।

पोष्टमा ट्वीट र कमेन्टको माध्यामले छानिएका ५ जनाले चिनियाँ चलचित्र महोत्सवको दुई दुई वटा टिकट पाउने उनले उल्लेख गरेकी छिन् । उक्त पोष्टलाई डिसेम्बर २६ को राती १२ बजेसम्म कमेन्ट र रिट्वीट गर्न सकिने पनि उनले बताएकी छिन् ।

अहिलेसम्म उनको पोस्टमा ५ सय ९१ जनाले कमेन्ट गरेका छन् । ७७३ जनाले पोस्ट शेयर गरेका छन् भने उनको पोस्टमा १५ सय भन्दा धेरै लाइक आइसकेको छ ।