मारियो मान्डजुकिक कतारी क्लबमा अनुबन्धित

एजेन्सी । क्रोएसियाका फरवार्ड मारियो मान्डजुकिक कतारी क्लब अल दुहालमा अनुबन्धित भएका छन् ।

युभेन्ट्सबाट अल दुहालले मान्डजुकिकलाई फ्रि ट्रान्सफरमा अनुबन्ध गरेको हो ।

सन् २०२१ सम्म क्लबमा रहने सम्झौता गरेका ३३ वर्षे फरवार्ड मान्डजुकिकलाई बुधबार कतार स्टार लिग लिडर क्लब अल दुहालले अनुबन्ध गरेको जनाएको छ । क्लबले सामाजिक संजाल ट्वीटरबाट मान्डजुकिकलाई अनुबन्ध गरेको जनाएको छ ।

युभेन्ट्ससँगको सम्झौता नसकिदै क्लब छाडेका मान्डजुकिक र क्लबको थप सम्झौताबारे भने खुलाईएको छैन ।

सन् २०१५ मा युभेन्ट्स आएका मान्डजुकिकले १ सय ६२ खेलमा ४४ गोल गरेका थिए ।