सीआईडी एक्टर पञ्जाबीले गरे आत्महत्या

एजेन्सी । टेलिभिजन अभिनेता कुशल पन्जाबीले आत्महत्या गरेका छन् । भारतको पन्जाब प्रान्तका कुशलको मुम्बई प्रहरीले आत्महत्या भएको पुष्टि गरेको छ ।

आत्माहत्याको कारण अहिलेसम्म पनि खुल्न सकेको छैन । घटनाबारे प्रहरीले छानबिन अघि बढाएको छ ।

प्रहरीका अनुसार ३७ वर्षीय कुशल पंखामा झुन्डिएको अवस्थामा मृत फेला परेका थिए । ।

घरमा छोडेको सुसाइड नोटमा आफूले आत्महत्या गरेको र यसमा कसैको पनि दोष नरहेको जनाइएको छ । उनले नोटमा आफ्नो सम्पति ५० प्रतिशत आमा, बुुबा र बहिनीलाई तथा बाँकी ५०प्रतिशत छोरालाई दिन आग्रह गरेका छन् ।

उनले ३० भन्दा धेरै टिभी सिरियलमा काम गरिसकेका छन् । उनले अन्तिम पटक  फिल्म ए जेन्टलम्यानमा सिद्धार्थ मलहोत्रासँग खेलेका थिए । उनले अन्दाज,दन दनादन गोल,लक्ष्य,काल जस्ता फिल्ममा पनि काम गरिसकेका छन् ।

साथै उनले फियर फ्याक्टर,सिआईडी, जोरका झड्का, एक से बढ्कर एक जस्ता धेरै टेली सिरियलमा अभिनय गरेका छन् ।