काठमाडौं । आज मिति २०७६ साल पुष महिनाको १४ गते सोमबार । इस्वी संवत २०१९ डिसेम्बर ३० तारिक । शकसंवत् १९४१ । परिधावी संवत्सर । दक्षिणायन । हेमन्त ऋतु । नेपाल संवत ११४० थिंलागा । पौष शुक्लपक्ष । तिथी– चतुर्थी,१३ बजेर ९ मिनेट उप्रान्त पंचमी । नक्षत्र– धनिष्ठा,२२ बजेर ३६ मिनेट उप्रान्त शतभिषा । योग– बज्र,२० बजेर ५६ मिनेट उप्रान्त सिद्धि । करण– भद्रा,१३ बजेर ९ मिनेट उप्रान्त बव,२५ बजेर ५९ मिनेट उप्रान्त बालव । आनन्दादिमा शुभ योग । चन्द्रराशि–मकर,९ बजेर ३२ मिनेट उप्रान्त कुम्भ । काठमाडौंमा सूर्योदय ६ बजेर ५५ मिनेटमा, सूर्यास्त १७ बजेर १६ मिनेटमा । दिनमान २५ घडी ५२ पला ।
मेष (चू,चे,चो,ला,लि,लू,ले,लो,अ) : बिहानको समय उत्तम रहेको छ । व्यापार व्यावसायबाट भनेजस्तो आम्दानी हुनेछ । आफन्त तथा दाजुभाइको सहयोग पाइने हुनाले मन प्रसन्न हुनेछ । पढाइलेखाइमा सोचेजस्तो नतिजा हात पार्न सकिनेछ । मध्यान्हबाट समय मध्यम रहेकाले सरकारी तथा प्रशासनिक काममा ढिलासुस्तिको चपेटामा परिनेछ । कार्यक्षेत्रमा तपाईको खुट्टा तान्नेहरु सक्रिय रहनेछन् ।
वृष (ई,ऊ,ए,ओ,वा,वी,वू,वे,वो) : उच्च तथा विशिष्ट व्याक्तित्वसँग मित्रता बढ्नेछ । विभिन्न अवसरको सदुपयोग गर्दै राम्रा तथा परिणाममुखी काम गर्न सकिनेछ । राजनीति तथा समाजसेवामा जनताको समर्थन पाइनाले पद प्राप्तिको योग रहेको छ । अध्ययनमा प्रतिस्पर्धीहरुलाई किनारा लगाउँदै उत्कृष्ट नतिजा हात पार्न सकिनेछ । माया प्रेममा सामिप्यता बढेर जानेछ ।
मिथुन (का,की,कू,घ,ङ,छ,के,को,हा) : सामाजिक तथा परोपकारी काममा मन जानेछ भने धार्मिक तथा शैक्षिक यात्राको तय हुनेछ । व्यापारमा आज गरिने लगानीबाट भविष्यमा राम्रो नाफा कमाउन सकिनेछ । खोज तथा अनुसन्धानको क्षेत्रमा भनेजस्तो प्रगति गर्न सकिने हुनाले मन प्रसन्न हुनेछ । बिहानको समय मध्यम रहेकाले भौतिक सम्पत्ति तथा सवारीसाधनको प्रयोग गर्दा ध्यान दिनुहोला । आफन्त तथा दिदिबहिनीसँग राय बाझिनेछ ।
कर्कट (ही,हू,हे,हो,डा,डी,डु,डे,डो) : बिहानको समय राम्रो रहेकाले व्यापार व्यावसाय फस्टाएर जानेछ । पढाइ लेखाइमा प्रतिस्पर्धीहरुलाई किनारा लगाउँदै नतिजा आफैतिर ल्याउन सकिनेछ । आफन्त तथा सहपाठीहरुबाट सुनिने शुभ समाचारले उत्साह जगाउनेछ । माया प्रेमको डोरो कसिलो भएर जानेछ । मध्यान्हबाट समय मध्यम रहेकाले भौतिक सम्पत्ति तथा विलाशी वस्तुको प्रयोग गर्दा ध्यान दिनुहोला ।
सिहं (मा,मी,मू,मे,मो,टा,टी,टू,टे) : माया प्रेममा नजिक हुन सकिने तथा मन मिल्ने साथी भेटिनेछ । व्यावसायबाट मनग्गे धन आर्जन गर्न सकिनेछ भने भौतिक सम्पत्ति तथा विलाशी वस्तु उपाहारको रुपमा प्राप्त हुनेछ । अध्ययनमा भनेजस्तो नतिजा हात पार्न सकिनेछ भने लामो दूरीको यात्रा हुनेछ । परिवारका साथ रमाइलो जमघटमा मिष्ठान्न भोजन ग्रहण गर्ने अवसर जुर्नेछ ।
कन्या (टो,पा,पी,पू,ष,ण,ठ,पे,पो) : पुराना विवादहरु साम्य हुनेछन् भने न्यायिक निर्णयहरु तपाइकै पक्षमा फैसला हुनेछन् । पढाइलेखाइमा प्रतिस्पर्धीहरुलाई किनारा लगाउँदै उत्कृष्ट नतिजा तपाइको हातमा पर्नेछ । माया प्रेमका कोपिलाहरु फक्रनेछन् भने पतिपत्नीको सहयोगले उपलब्धिमुलक कामहरु गर्न सकिनेछ । ऋण, रोग तथा संकटको सामाना गर्ने शक्ति जुटाउन सकिनेछ ।
तुला (रा,री,रु,रे,रो,ता,ती,तू,ते) : अध्ययनमा भनेजस्तो उपलब्धि हासिल गर्न सकिनेछ भने अध्ययनकै सवालमा लामो दूरीको यात्रा हुनेछ । परिवार तथा सन्तानले व्यापामा सहयोग गर्ने हुनाले मनग्गे धन आर्जन गर्न सकिनेछ । सेवामुलक काम वा शिक्षा क्षेत्रको कामबाट मनग्गे धन आर्जन गर्न सकिनेछ । प्रेममा रमाउन चाहनेहरुका लागि समय राम्रो रहेको छ ।
वृश्चिक (तो,ना,नी,नू,ने,नो,या,यी,यू) : कृषि तथा पशुपालन व्यावसायमा समयमा लगानी गर्नेहरुले मनग्गे धन आर्जन गर्ने समय रहेको छ । बैंक तथा सहकारी व्यावसायबाट आम्दानी बढाउन सकिनेछ । सानो प्रयत्नले कामहरु सम्पादन हुँदा मन प्रसन्न रहनेछ । आमा तथा आफन्तसँगको भेटघाटमा सानो विवाद हुन सक्छ ध्यान दिनुहोला । प्रविधि तथा सवारीसाधनको प्रयोग गर्दा ख्याल गर्नुहोला ।
धनु (ये,यो,भा,भी,भू,ध,फा,ढा,भे) : व्यापार व्यावसायमा लगानी गरी प्रशस्त नाफा कमाउन सकिनेछ । भौतिक स्रोत साधन जुट्नाले काम गर्न सहज हुनेछ । आँटिला तथा पुरुशार्थी काम गरी नाम तथा दाम दुवै कमाउन सकिनेछ । मन परेको मानिसलाई लिएर यात्रामा निस्कन सकिनेछ । सामाजिक काम गरी जनताको समर्थन जुटाउन सकिनेछ । लेखेरै नाम तथा दाम दुवै कमाउन सकिनेछ ।
मकर (भो,जा,जी,जू,जे,जो,ख,खी,खू,खे,खो,गा,गी) : अध्ययन अध्यापनमा सुधार भएर जानेछ भने बौद्धिक क्षेत्र फराकिलो भएर जानेछ । आफन्त तथा साथिभाइबाट सुनिने सुखद समाचारले उत्साहित पार्नेछ । व्यापार व्यावसायबाट मनग्गे धन आर्जन हुनुको साथै नयाँ काम आरम्भ गर्न सकिनेछ । प्रेमिल जोडीहरुका लागि समय उत्तम रहेको छ । बोलीको प्रभाव बढ्नाले थोरै बोलेर मनग्गे धन आर्जन गर्न सकिनेछ ।
कुम्भ (गू,गे,गो,सा,सी,सू,से,सो,दा) : नयाँनयाँ कामको प्रस्ताव आउनेछ भने गरिरहेको कामबाट मनग्गे धन आर्जन गर्न सकिनेछ । राजनीति तथा समाजसेवामा जनताको समर्थन प्राप्त हुनेछ । खोजमुलक क्षेत्रमा रुची बढ्नेछ भने अध्ययनमा भनेजस्तो सफलता चुम्न सकिनेछ । सामाजिक काम गरी ईज्जत तथा प्रतिष्ठा कमाउन सकिनेछ । प्रेमील जोडीहरुका लागि समय उत्तम रहेको छ । बिहानको समय मध्यम रहेकाले स्वास्थ्यमा ध्यान दिनुहोला ।
मीन (दी,दू,थ,झ,ञ,दे,दो,चा,ची) : बिहानको समय राम्रो रहेकाले नोकरी तथा कार्यक्षेत्रमा तपाइको प्रस्तुति गहन हुनेछ । व्यावसाय फस्टाएर जाने तथा आर्थिक अवस्था सुदृढ हुनेछ । अध्ययनमा मन जानेछ भने नतिजा आफैतिर ल्याउन सकिनेछ । मध्यान्हबाट समय मध्यम रहेकाले स्वास्थ्यमा समस्या आइ कामहरु प्रभावित हुनेछन् । तापनि लामो दूरीको यात्राको प्रशस्त सम्भावना रहेको छ ।
तपाइको दिन शुभ रहोस् ।
ज्यो. दुर्गा भण्डारी ।
यो खबर पढेर तपाईलाई कस्तो महसुस भयो ?
प्रतिक्रिया