तेस्रो दुप्चेश्वर कप पुरूष भलिबल प्रतियोगिता हुने

काठमाडौं । नुवाकोटको दुप्चेश्वर गाउँपालिकामा माघे संक्रान्तिको अवसरमा भलिवल प्रतियोगिता हुने भएको छ । यहि माघ ३, ४ र ५ गते तेस्रो दुप्चेश्वर कप पुरूष भलिबल प्रतियोगिता हुन लागेको हो ।

दुप्चेश्वर गाउँपालिकाको आयोजनामा हुन लागेको भलिबल प्रतियोगिता दुप्चेश्वर (६ समुन्द्रटारस्थित रुकमणी माध्यमिक विद्यालयको प्राङ्गण हुने भएको छ ।
प्रतियोगितामा प्रथम हुनेलाई ८० हजार रुपैयाँसहित सिल मेडल र प्रमाणपत्र दिइनेछ भने द्वित्तीयलाई ५० हजार रुपैयाँसहित शिल मेडल र प्रमाणपत्र दिइनेछ ।

तृतीयलाई ३० हजार रुपैयाँ शिल मेडल, प्रमाणपत्र र सान्त्वना हुनेलाई १० हजार रुपैयाँ र प्रमाणपत्र दिइने आयोजकले जनाएको छ ।
आयोजकका अनुसार खेलमा सहभागी हुन चाहने टिमले माघ १ गतेसम्म आफ्नो टिम दर्ता गराइसक्नु पर्नेछ ।