भोजपुरमा बोलेरो दुर्घटना हुँदा १ जनाको मृत्यु

भोजपुर । भोजपुरमा बोलेरो दुर्घटना हुँदा १ जनाको मृत्यु भएको छ । भोजपुरको षडानन्द नगरपालिका १० स्थित खोट डाँडामा बोलेरो पल्टिएको थियो ।

दुर्घटनामा धरान उप–महानगरपालिका–१६ का २७ बर्षीय चालक फुर्वा तामाङ घाईते भएका थिए । उनको उपचारको क्रममा मनकामना अस्पताल तुम्लिङटार मृत्यु भएको जिल्ला प्रहरी कार्यालय भोजपुरले जनाएको छ ।

सोमवार खोट डाँडाबाट धरान तर्फ सुन्तला बोकेर आउँदै गरेको को २ च १७९२ नम्बरको बोलेरो अनियन्त्रीत भई बाटो देखि करिव १५ मिटर तल खसेर दुर्घटना भएको प्रहरीले जनाएको छ ।