काठमाडौं । अलमोडा राना उप्रेतीको शब्द संगीत तथा स्वरमा रहेको गीत ‘कैले भेट्ने खै’ युट्युबको ट्रेन्डिङ एकमा आईपुुगेको छ ।
प्रेमरसमय यो गीतको म्युजिक भिडियोलाई धेरै नेपाली दर्शकहरुले मन पराएका छन् । भिडियोमा नाजिर हुसेन, शिल्ला मास्के र विकास लामिछाने रहेका छन् ।
मनोज बस्नेतले निर्देशन गरेको यो भिडियोलाई टेकेन्द्र शाहले सम्पादन गरेका थिए भने राम कुमार केसीले भिडियो खिचेका थिए ।
वर्ष २०१९ को अन्तिममा निकालिएको यो गीतको भिडियोमा अहिलेसम्म एक लाख भन्दा धेरैले लाइक गरेका छन् भने ३५ सय भन्दा धेरैले कमेन्ट गरेका छन् । साथै यो भिडियोलाई आजसम्म २१ लाख भन्दा धेरैले हेरिसकेका छन् । भिडियो डिसेम्बर २९ मा अपलोड गरिएको हो ।
यो खबर पढेर तपाईलाई कस्तो महसुस भयो ?
प्रतिक्रिया