ए डिभिजन लिग : पुलिस क्लबद्वारा संकटा पराजित

काठमाडौं । सहिद स्मारक ए डिभिजन लिग फुटबलमा नेपालले जित हात पारेको छ ।

बुधबार भएको खेलमा संकटा क्लबलाई २-१ गोल अन्तरले पराजित गर्दै पुलिसले लिगमा दोस्रो जित हात पारेको हो ।सुमन लामाको दुई गोलमा पुलिसले जित हात पारेको हो । संकटाका अमित तामाङले एक गोल फर्काए ।

खेलको १५ औं मिनेटमा सुमनले गोल गर्दै पुलिसलाई अग्रता दिलाए । खेलको १८ औं मिनेटमा अमितले पेनाल्टीमा गोल गर्दै संकटालाई खेलमा फर्काए ।

खेलको ३३ औं मिनेटमा सुमनले दोस्रो गोल गर्दै पुलिसलाई २-१ को जित दिलाए । खेलमा सुमन म्यान अफ दि म्याच चुनिए ।

जितसँगै पुलिसले ४ खेलमा ७ अंक जोड्दै लिगको पाँचौ स्थानमा उक्लिएको छ । संकटाले ४ खेलमा ४ अंक जोड्दै लिगको दशौँ स्थानमा छ ।