ए डिभिजन लिग : आर्मीको सहज जित

काठमाडौं । सहिद स्मारक ए डिभिजन लिग फुटबलमा विभागीय टिम त्रिभुवन आर्मी क्लबले जित हात पारेको छ ।

एन्फा कम्प्लेक्स सातदोबाटोमा बुधबार भएको खेलमा आर्मीले थ्री स्टार क्लबलाई २-० गोल अन्तरले पराजित गरेको हो । आर्मीलाई जित दिलाउन नवयुग श्रेष्ठ र सन्तोष तामाङले समान एक एक गोल गरे । अनन्त तामाङको कप्तानीमा मैदान उत्रिएको थ्री स्टारविरुद्ध आक्रामक खेल खेलेपनि पहिलो हाफमा आर्मीले गोल गर्न सकेन् ।

खेलको ५४ औं मिनेटमा नवयुगले गोल गर्दै आर्मीलाई १(० को अग्रता दिलाए । त्यसपछि खेलको ७९ औं मिनेटमा सन्तोषले गोल गर्दै आर्मीलाई २-० को जित दिलाए ।

जितसँगै आर्मीले ४ खेलमा ९ अंक जोडेको छ । थ्री स्टारले ४ खेलमा ७ अंक जोडेको छ ।