ईङ्लिस प्रिमियर लिग : म्यान्चेष्टर युनाईटेडमाथि आर्सनलको सहज जित

काठमाडौं । ईङ्लिस प्रिमियर लिग फुटबलमा म्यान्चेष्टर युनाईटेडमाथि आर्सनलले सहज जित हात पारेको छ ।

बुधबार राति भएको खेलमा आर्सनलले युनाईटेड क्लबलाई २-० गोल अन्तरले पराजित गरेको हो । आर्सनलको जितमा निकोलास पेपे र सोक्राती पापस्तथोपोलोसले समान एक–एक गोल गरे । आर्सनलले पहिलो हाफमा दुवै गोल गरेको थियो ।

खेलको ८ औं मिनेटमा निकोलासले आर्सनललाई अग्रता दिलाएका थिए । ४२ औं मिनेटमा पापस्तथोपोलोसले गोल गर्दै आर्सनलको अग्रतालाई दोब्बर बनाएका थिए ।

जितसंगै आर्सनलले २१ खेलबाट २७ अंक जोड्दै तालिकाको दशौं स्थानमा उक्लिएको छ ।

युनाईटेड ३१ अंक सहित तालिकाको पाँचौ स्थानमा रहेको छ ।