ईङ्लिस प्रिमियर लिग : जिससको गोलमा म्यान्चेष्टर सिटी विजयी

एजेन्सी । ईङ्लिस प्रिमियर लिग फुटबलमा म्यान्चेष्टर सिटीले एभर्टनमाथि जित हात पारेको छ । बुधबार राति भएको खेलमा सिटीले एभर्टनमाथि २-१ को जित हात पारेको हो ।

सिटीको जितको लागि दुवै गोल ग्याब्रियल जिससले गरे । खेलको ५१ औ मिनेटमा जिससले गोल गर्दै सिटीलाई अग्रता दिलाएका थिए । खेलको ५८ औं मिनेटमा गोल गर्दै उनले अग्रतालाई दोब्बर बनाएका थिए । एभर्टनका लागि रिचारलिसनले ७१ औं मिनेटमा एक गोल फर्काएका थिए ।

जितसंगै सिटीले २१ खेलबाट ४४ अंक जोडेको छ । एभर्टन २५ अंक सहित तालिकाको ११ औं स्थानमा छ ।