रुनीको डेब्यु खेलमा डर्बी काउन्टीको जित

एजेन्सी । इंग्ल्यान्डका पूर्व कप्तान वायन रुनीले डेब्यु खेलमा डर्बी काउन्टीले च्याम्पियनसिप फुटबलमा जित हात पारेको छ । बिहिबार राति भएको खेलमा डर्बीले बर्न्सलेलाई २-१ गोल अन्तरले पराजित गरेको हो ।

घरेलु मैदानमा रुनीको कप्तानीमा मैदान उत्रिएको डर्बीका लागि ज्याक मारिओट र मार्टिन वघोर्नले समान एक एक गोल गरे । बर्न्सलेका इलिओट सिमोएसले एक गोल फर्काए ।

जितसँगै डर्बी २६ खेलमा ३३ अंक जोडेर १७ औं स्थानमा रहेको छ ।