सन्दिपको तीन विकेटको सहायतामा मेलबर्नको पाँचौ जीत

काठमाडौं । नेपाली लेग स्पिनर सन्दीप लामिछाने आबद्ध मेलबर्न स्टार्सले बिग बास लिग (बीबीएल) क्रिकेटमा पाँचौं जित निकालेको छ ।

शनिवार भएको मेलबर्न डर्बीमा मेलबर्न रेनेगेड्सलाई ८ विकेटले हराउँदै स्टार्सले पाँचौ जित निकालेको हो ।

मेलबर्न क्रिकेट मैदानमा रेनेगेड्सले दिएको १ सय ४३ रनको लक्ष्य स्टार्सले १८ ओभर ५ बलमा मात्र २ विकेट गुमाएर भेट्टायो ।
स्टार्सको जितमा मार्कुस स्टोनीसले अविजित रहदै ६८ रनको अर्धशतकीय पारी खेले भने कप्तान ग्लेन म्याक्सवेलले अविजित ४० रन बनाए ।

रेनेगेड्सका केन रिचार्डसन र रिचार्ड ग्लिसनले समान १ १ विकेट हात पारे । यस अघि टस हारेर पहिले ब्याटिङ गरेको रेनेगेड्सले २० ओभरमा ९ विकेट गुमाएर १ सय ४२ रन बनाएको थियो ।

रेनेगेड्सका लागि शौन मार्शले सर्वाधिक ४३ रन बनाए भने बेउ वेब्स्टरले २९ तथा कप्तान आरोन फिन्चले २५ रनको पारी खेले ।
स्टार्सका सन्दीपले ३ विकेट लिएका छन् । ४ ओभर बलिङ गरेका सन्दिपले उत्कृष्ट बलिङ गर्दै मात्र २६ रन खर्चिएर ३ विकेट लिएका हुन् ।

सुरुवाती दुई ओभरमा विकेट लिन नसकेका सन्दीपले तेस्रो ओभरमा २ रतथा चौंथो ओभरमा १ विकेट लिन सफल भए का थिए ।

सन्दीपले यस सिजनमा ५ खेलबाट ६ विकेट लिउका छन् । यस्तै एडम जाम्पा र डेल स्टेनले २र२ विकेट लिए ।

जितसँगै ६ खेलमा ५ जित हात पारेको स्टार्सले १० अंक जोडेर तालिकाको शीर्ष स्थानमा रहेको छ । रेनेगेड्स अंक विहीन रहदै पुछारमा रहेको छ ।