रियल मड्रिडको सहज जित

एजेन्सी । स्पेनिस ला लिगा फुटबलमा रियल मड्रिडले सहज जित हात पारेको छ । शनिबार राति भएको खेलमा गेटाफेलाई ३-० गोल अन्तरले पराजित गरेको हो ।

खेलको ३४ औं मिनेटमा डेभिड सोरियाको आत्मघाती गोलबाट रियलले सुरुवाती अग्रता बनाएको थियो । खेलको ५३ औं मिनेटमा राफायल भरानेले गोल गर्दै रियललाई २-० को अग्रता दिलाए । खेलको इन्जुरी समयमा लुका मोड्रिचले गोल गर्दै रियललाई ३-० को अग्रता दिलाए ।

रियलले १९ खेलमा ४० अंक जोडेको छ । गेटाफे ३० अंक जोडेर सातौं स्थानमा रहेको छ ।