फेरि एयरपोर्टबाट सुनसहित भारतीय नागरिक पक्राउ

काठमाडौं । प्रहरीले त्रिभुवन अन्तराष्ट्रिय विमानस्थलबाट आधाकिलो सुन र दुईसय ग्राम हिरासहति दुई जना भारतीय नागरिकलाई पक्राउ गरेको छ । आधा किलो सुनसहित भारतीय नागरिक किजाकेथिल नौसाद पक्राउ परेका छन् ।

यूएईको सारजहाबाट आएका उनले क्याम्सुल बनाएर सुन तस्करी ल्याएको प्रहरीले जनाएको छ। विमानस्थलमा चेकजाँचका क्रममा पक्राउ परेको बताइएको छ ।

त्यस्तै दुईसय ग्राम हिरासहित भारतीय नागरिक मोहमद म्यादिन स्थाली पक्राउ परेका छन् ।

स्थालीले हिरा पेटमा राखेर ल्याएको प्रहरीले जनाएको छ । शंका लागेर उनका पेट काठमाडौं मेडिकल कलेजमा लगेर जचाउँदा हिरा भेटिएको प्रहरीले जनाएको छ । उनी मलेसियाबाट नेपाल छिरेको प्रहरीले जनाएको छ ।