काठमाडौं । आईसीसी विश्व क्रिकेट लिग-२ अन्तर्गत नेपालमा हुने अमेरिका, ओमान र नेपाल त्रिकोणात्मक एक दिवसीय क्रिकेट सिरिजको खेलतालिका सार्वजनिक भएको छ।
प्रतियोगिताका खेलहरु खेल फेब्रुबरी ५ देखि १२ (माघ २२-२९) सम्म त्रिवि क्रिकेट मैदानमा हुनेछन् । प्रतियोगितामा जम्मा ६ खेलहरु हुनेछन्।
सार्वजनिक भएको खेलतालिका अनुसार पहिलो खेल नेपाल र ओमानबीच हुनेछ । प्रतियोगिताको दोस्रो दिन ओमन र अमेरिकाबीच प्रतिस्पर्धा हुनेछ भने फेब्रुअरी ८ मा नेपालले आफ्नो दोस्रो खेल अमेरिकाविरुद्ध खेल्नेछ ।
९ फेब्रुअरीमा नेपालको ओमनसँग दोस्रो खेल रहेको छ । ११ फेब्रुअरीमा ओमन र अमेरिका खेल्नेछन् भने प्रतियोगिताको अन्तिम दिन नेपालले अमेरिकासँग खेल्ने तालिका रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया