टोरिनोसँग रोमा घरेलु मैदानमा पराजित

एजेन्सी । इटालियन सिरी ए फुटबलमा रोमा टोरिनोसँग पराजित भएको छ ।

आइतबार राति भएको खेलमा रोमा घरेलु मैदानमा टोरिनोसँग २-० गोल अन्तरले पराजित भएको हो ।

टोरिनोलाई जित दिलाउन आन्द्रिया बेलोट्टीले दुई गोल गरे । बेलोट्टीले खेलको ४५ औं मिनेटमा पहिलो गोल गरेका थिए । बेलोट्टीले खेलको ८६ औं मिनेटमा पेनाल्टीबाट दोस्रो गोल गर्दै टोरिनोलाई जित दिलाए ।

घरेलु मैदानमा हार व्यहोरेको चौंथो स्थानको रोमाको ३५ अंक रहेको छ । नवौं स्थानको टोरिनोको २४ अंक रहेको छ ।