लिनास मोन्टलेरीको पोस्टमा पीएसजीले वर्षायो आधा दर्जन गोल

एजेन्सी । फ्रेन्च कप फुटबलमा पेरिस सेन्ट जर्मेन (पीएसजी) ले फराकिलो जित निकालेको छ ।

आइतबार राति भएको खेलमा पीएसजीले लिनास मोन्टलेरीलाई ६-० गोल अन्तरले पराजित गरेको हो । जितसँगै पीएसजी फ्रेन्च कपको अन्तिम ३२ मा प्रवेश गरेको छ ।

पीएसजीका एडिन्सन काभानी र पाब्लो सराबियाले समान २-२ गोल गरे ।

यस्तै आदील औचिची र एरिक म्याक्सिमले समान एक-एक गोल गरेर पीएसजीलाई फराकिलो गोल अन्तरले जित दिलाए ।