सुनको मूल्यले तोड्यो रेकर्ड, आज कति पुग्यो?

काठमाडौं । नेपाली बजारमा आज पनि सुनको मूल्यमा बृद्धि भएको छ । केहिदिन यता सुन तथा चाँदीको मूल्यमा निरन्तर रुपमा बृद्धि भइरहेको छ । पौष १८ गते शुक्रवार प्रतितोला छापावाला सुनको मूल्य ७४ हजार ५ सय रहेको थियो । भने आइतवार तोलामा १ हजारले बृद्धि भइ प्रतितोला सुनको मूल्य ७५ हजार ५ सय कायम भइ कारोबार भएको थियो । त्यस्तै आज पनि सुनको मूल्य ५ सयले बृद्धि भइ प्रतितोला छापावाला सुन ७६ हजारमा कारोबार भइरहेको नेपाल सुन चाँदी व्यवसायी महासंघले जनाएको छ । साथै आज तेजावी सुनको मूल्य ७५ हजार ७ सय रहेको छ ।

त्यस्तै आज चाँदीको मूल्यमा पनि २० रुपैयाँले बृद्धि भएको छ । आइतवार प्रतितोला चाँदीको मूल्य ९ सय रहेको थियो । भने आज मूल्य बृद्धि भइ प्रतितोला चाँदी ९ सय २० कायम भइ कारोबार भइरहेको महासंघले जनाएको छ ।