यस्तो रहनेछ आगामी तीन दिनको मौसम

मंगलबार देशको पश्चिमी भुभागमा सामान्य बदली र बाँकी भुभागमा आंशिकदेखि सामान्य बदली रहने जल तथा मौसम पूर्वानुमान महाशाखाले जनाएको छ ।

यस्तै उच्च पहाडी तथा हिमाली भूभागका थोरै स्थानहरुमा हल्का देखि मध्यम हिमपात तथा पश्चिमका थोरै स्थानहरुमा साथै मध्य र पुर्वी भूभागका एक दुइ स्थानमा हल्का वर्षाको संभावना छ ।

मंगलबार राति देशको पश्चिमी भूभाग, मध्य र पूर्वका पहाडी भुभागमा सामान्य बदली र बांकी भुभागमा आंशिक देखि सामान्य बदली रही उच्च पहाडी तथा हिमाली भूभागका थोरै स्थानहरुमा हल्का देखि मध्यम हिमपात तथा पश्चिमका थोरै स्थानहरुमा साथै मध्य र पुर्वी भूभागका एक दुइ स्थानमा हल्का वर्षाको संभावना छ ।

यस्तै बुधबार देशभर सामान्य बदली रही पश्चिमका केही स्थानहरुमा र मध्य र पूर्वका थोरै स्थानहरुमा हल्का देखि मध्यम वर्षाको संभावना छ।
बिहीबार पनि देशभर आंशिक देखि सामान्य बदली रही केही स्थानहरुमा हल्का देखि मध्यम वर्षाको संभावना छ।