रोनाल्डोको ह्याट्रिकमा युभेन्ट्सको सहज जित

एजेन्सी । इटालियन सिरी ए फुटबलमा युभेन्ट्सले फराकिलो जित हात पारेको छ ।

सोमबार भएको खेलमा युभेन्ट्सले काग्लियारीलाई ४-० गोल अन्तरले पराजित गरेको हो। घरेलु मैदानमा युभेन्ट्सलाई जित दिलाउन क्रिस्टियानो रोनाल्डोले ह्याट्रिक गरे ।

खेलको ४९ औं मिनेटमा रोनाल्डोले गोल गर्दै घरेलु टोलीलाई अग्रता दिलाए । ६७ औं मिनेटमा पेनाल्टीबाट दोस्रो गोल गर्दै रोनाल्डोले युभेन्ट्सलाई २-० को अग्रता दिलाए । खेलको ८१ औं मिनेटमा हिगुईनले गोल गर्दै घरेलु टोलीको अग्रता ३-० को बनाए ।

त्यस्तै खेलको ८२ औं मिनेटमा रोनाल्डोले तेस्रो गोल गर्दै ह्याट्रिक पुरा गर्दै युभेन्ट्सलाई फराकिलो जित दिलाए । रोनाल्डोले वर्षको यो पहिलो ह्याट्रिक हो । रोनाल्डोको यो करियरको ५६ औं ह्याट्रिक हो ।

जितसँगै युभेन्ट्सले १८ खेलमा ४५ अंक जोडेको छ । काग्लियारी हारसँगै २९ अंक जोडेर छैटौं स्थानमा रहेको छ ।