एफए कप : चौंथो चरणको खेल तालिका सार्वजनिक, म्यानचेस्टर सिटी र फुलहम प्रतिद्वन्द्वी

एजेन्सी । एफए कप फुटबलको चौंथो चरणको खेल तालिका सार्वजनिक भएको छ । इन्ग्लिश फुटबल एसोसिएसनले सार्वजनिक गरेको ड्र अनुसार म्यानचेस्टर सिटीले फुलहमसँग प्रतिशपर्धा गर्ने भएको छ ।

यस्तै चेल्सीले हल सिटीसँग भिड्ने छ । आर्सनलले बर्नेमाउथसँग खेल्नेछ । लिभरपुलले भने ब्रिस्टोल सिटी र श्रेव्सबुरीबीचको रिप्ले खेलको विजेतासँग खेल्नेछ । साउथह्याम्पटनले मिडल्सबर्ग र टोटेनहमबीचको रिप्ले खेलको विजेतासँग खेल्नेछ । म्यानचेस्टर युनाइटेड र वुल्भ्स बीच हुने रिप्ले खेलको विजेताले वाट्फोर्ड र रोभर्सबीचको रिप्ले खेलको विजेतासँग खेल्नेछ ।

यस्तै क्युपिआरले सेफिल्ड वेड्नेसडेसँग खेल्दा डर्बी काउन्टीले नर्थह्याम्पटन टाउनसँग खेल्नेछ । लेष्टर सिटिले ब्रेनफोर्टसँग खेल्दा सेफिल्ड युनाइटेडले मिल्वालसँग खेल्नेछ । वेष्ट ह्यामले वेष्ट ब्रुमसँग खेल्दा बर्नलीले नर्विच सिटीसँग खेल्नेछ । क्युपिआरले सेफिल्ड वेड्नेसडेसँग खेल्दा डर्बी काउन्टीले नर्थह्याम्पटन टाउनसँग खेल्नेछ ।