जितसँगै ईन्टर मिलान शीर्ष स्थानमा

एजेन्सी । जित हात पार्दै ईन्टर मिलान सिरि ए फुटबलको शीर्ष स्थानमा उक्लिएको छ । सोमबार राति भएको खेलमा ईन्टर मिलानले नापोलीलाई ३–१ गोल अन्तरले पराजित गरेको हो । ईन्टरको जितमा लुकाकुले दुई गोल गरे । खेलको १४ औं मिनेटमा लुकाकुको गोलबाट ईन्टरले अग्रता लिएको थियो ।

लुकाकुले खेलको ३३ औं मिनेटमा दोस्रो गोल गर्दै ईन्टरको अग्रतालाई दोब्बर बनाए । घरेलु टोली नापोलीका मिल्लिकले गोल गर्दै ईन्टरको अग्रतालाई घटाउन खोजेका थिए । खेलको ६२ औं मिनेटमा मार्टिनेजले गोल गर्दै ईन्टरलाई विजयी गराए ।

जितपछि ईन्टर ४५ अंक सहित तालिकाको शीर्ष स्थानमा उक्लिएको छ । युभेन्ट्स र ईन्टरको अंक बराबरी भएपनि गोल अन्तरका आधारमा ईन्टर शीर्ष स्थानमा उक्लिएको हो ।

हारसँगै नापोली २४ अंक बटुल्दै तालिकाको आठौं सथानमा छ ।