सुलेमानीको शवयात्रामा भागदौड, कम्तिमा ३५ जनाको मृत्यु

काठमाडौं । अमेरिकाले गत साता हवाई आक्रमण गर्दा मृत्यु भएका इरानका वरिष्ठ सैन्य नेता कासिम सुलेमानीको शवयात्रामा भागदौड हुँदा कम्तिमा ३५ जनाको मृत्यु भएको छ । भागदौडमा ४० भन्दा बढी घाइते भएका छन् ।

केरमन शहरमा गरिएको सुलेमानीको अन्त्येष्टीमा लाखौँ मानिसहरू भेला भएका थिए । उनी सोहि शहरका बासिन्दा थिए । यहीँ उनको अन्तिम संस्कार हुनेछ ।
यसअघि अहवाज र तेहरानमा पनि उत्तिकै भिड जम्मा भएको थियो । भागदौडको घटनाबारे विस्तृत समाचार आउन बाँकी छ ।

उनको शवलाई शहीदका लागि बनाइएको एउटा चिहानमा समाधिस्थ गरिँदैछ।

सुलेमानीको मृत्युपछि अमेरिका र इरानबीच तनाव चुलिएको छ।

इरानको विशिष्ट सैन्य बल कूड्स फोर्सका प्रमुख सुलेमानीलाई सर्वोच्च नेता आयतूला अली खामनेईपछि दोस्रो लोकप्रिय नेता मानिन्थ्यो।

तर अमेरिकाले उनलाई आतङ्ककारी घोषणा गरेको थियो। एजेन्सी