एजेन्सी । अमेरिकामा फोहोर बोक्ने ट्रकले ठक्कर दिंदा १० वर्षीय नेपाली बालकको मृत्यु भएको छ । ट्रकको ठक्करबाट उनको आमा गम्भिर घाइते भएकी छन् ।
अमेरिकाको कोरोनामा रहेको लेफ्राक सिटी अपार्टमेन्ट बाहिर बाटो काट्ने क्रममा ट्रकको ठक्करमा श्रीजन त्रिपाठीको मृत्यु भएको अन्तर्राष्ट्रिय संञ्चारमाध्यमले जनाएको छ ।
श्रीजन आफ्नो आमासँगै बाटो काटिरहेको बेला फोहोर बोक्ने ट्रकले सडक छोडेर दुवै जनालाई ठक्कर दिएको हो। ट्रकको पछाडिको टायरले बच्चालाई किचेको जनाइएको छ । श्रीजन स्कुल जाने क्रममा दुर्घटनामा परेका हुन् ।
श्रीजन र उनकी आमा मिना पन्थीलाई एल्महर्स्ट अस्पतालमा लगिएको थियो । अस्पतालमा पुर्याएको चार घण्टापछि श्रीजनको मृत्यु भएको अन्तर्राष्ट्रिय संञ्चारमाध्यम न्युयोर्क डेली न्युजले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया